جمعہ ۲۲ جولائی ۲۰۲۲ء
.png)
سابق پردھان منتری عمران خان دی اپ چناواں چہ وڈی جت دے بعد، جمعے دی شام نوں لہندے پنجاب دے سبھا وچ چناؤ دے ذریعے فیصلہ کیتا گیا سی کہ صوبہ پنجاب دا مکھ منتری حمزہ شہباز رہوے گا۔
ایس چناؤ دے ابتداء چہ پاکستان مسلم لیگ (ن) اتے اوہناں دے اتحادیاں نوں ۱۷۹ ووٹس حاصل ہوئے سن، جتھے پاکستان تحریکِ انصاف اتے اوہناں دے اتحادی پاکستان مسلم لیگ (ق) دے اُمیدوار پرویز الٰہی نوں رل کے ۱۸۶ ووٹاں لبھ کے جت دے اُمیدوار سن۔ لیکن پرویز الٰہی دے ووٹاں دی گنتی وچوں دس ووٹاں نوں کٹایا گیا سی جدوں ڈیپٹی اسپیکر دوست محمد مزاری نے مسلم لیگ (ق) دے تمام ووٹاں نوں رد قرار دتا۔
ڈپٹی اسپیکر دا کہنا سی کہ مسلم لیگ (ق) دے سربراہ دا سنیہا نوں مدّنظر رکھدے ہوئے، جدے وچ تمام قاف لیگ دے میمبران نوں ووٹ کرن توں پرہیز کرن دی ہدایت دتی گئی سی، ایس جماعت دے تمام، یعنی ۱۰، ووٹاں نوں دفعہ ۳۶ دے تحت نئیں گنیا جا سکدا سی، لہٰذا بہومت کھو بھیٹے سن۔ اختلافیاں نے جنابِ اسپیکر دے فیصلے نوں چیلنج کرن دی کوشش کیتی، البتہ کوئی نتیجہ نہ اُگل سکیا۔
پاکستان تحریکِ انصاف دے سربراہ، عمران خان، نے پنجاب سبھا دے اجلاس دے کجھ چِر بعد ٹی وی نشریہ تے بیان دتّا، لوکاں نوں کہندے ہوئے، کہ اوہناں نوں ایہہ فیصلہ نامنظور اے اتے گزارش کردے ہوئے کہا کہ جے جَنتا نوں (وی) ایہہ فیصلہ منظور نئیں تے سڑکاں دے اُتے نکلن 'پُرامن دھرنے' لئی۔