WikiTuria – Iŵaö högö Pusat Penelitian Geoteknologi Lembaga Ilmu Pengetahuan Indonesia (LIPI) Eko Yulianto wa fefu gölana Indonesia no afönu tanö sagaboto si tobali lua-lua nifotöi tektonik, si no tobali börö ndruru danö.
"Ara ginötö irege alua zui ndruru danö, duma-dumania 50 fakhe ma na i töra, irege aoha la'olifugö ia niha. Börö da'ö moguna sibai wamahaö si lö aetu-aetu sanandrösa ba wangalösi lua-lua wangabu dödö," iŵao Eko ba rafe gu'ö, Zumaha 29 Yanuari 2021.
Tanö bö'önia nifatunönia ba omo saro si lö adudu ba ndruru danö. Iŵa'ö Eko, asese ha lafaigi wa'asökhi na lafesindro nomo niha ba lö labe ba dödö ngawalö zi fakhai ba ndruru danö simane fa'afatandro nomo ba wa'amuheu.
Baero da'ö ebua gahakhöŵa na mufasindro mangawuli nomo ma zui mame ena'ö abölö aro ia. Ifarou dödö niha Eko wamazökhi sambua furöma saro si tobali nahia si tola la'oguna'ö na alua ndruru danö.
"Ni fotöi bencana alam andrö tenga bagia ba hanu-hanu danö. Molo'ö ya'o, bencana tenga ha aspek teknis ba hiza no göi amuata ba bua-bua niha," inönö wanguma'ö. "Asese alua wa lalaŵa niha goi-goi si no mufataro si mane na lafasindro nomo ba mbewe nasi töra moroi ba zi no mufakhoi."
Inönö göi Eko wa moguna sibai sinergi ba implementasi goi-goi sofozu, tenga ha itaria manö lafalua ia.
Sanura: Sirus Laia
Kota: London
Baŵa: 29/1/21
Umbu edit
- LIPI: Indonesia Dipenuhi Retakan yang Menjadi Sumber Gempa – tempo.co, 29/1/21
Fabaliŵa lala edit
Kategori: Agama • Budaya • Ekonomi • Hukum • Ilmu Pengetahuan • Nasional • Olahraga • Pendidikan • Politik • Teknologi • Umum
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö