Wn/nia/Ara lö oroma, manofu-nofu dödö zato hadia duria nina negara

< Wn‎ | nia
Wn > nia > Ara lö oroma, manofu-nofu dödö zato hadia duria nina negara

WikiTuria – Ara lö oroma fao khö Presiden Joko Widodo, ato niha sanofu-nofu tödö hadia duria sibohou khö nina negara Iriana Joko Widodo.

Hari Satu iŵaö Deputi Bidang Protokol, Pers ba Media Sekretariat Negara Bey Triadi Machmudin wa ba zi lalö andre ina negara Iriana Joko Widodo lö oya fao ba halöŵö wamatörö presiden.

"Tenga lö asese fao, ba hiza irugi iada'a lö moguna nina negara wefao awö ba acara Presiden. Eluahania lö börö baero da'ö," iŵaö Bey.

Inönö na sa, no ha'uga kali i'owögö Presiden ina negara simane ba wanörötödo Ngaluo Wa'amerdeka 17 Agustus ba Gödo Merdeka Jakarta, aefa da'ö göi ba ginötö wanema'ö tome PM Jepang ba Gödo Bogor.

Iŵaö na sa Bey wa asese göi so nina negara ba acara nifalua ba gu'ö (virtual) nifalua faoma OASE KIM (Organisasi Aksi Solidaritas Era Kabinet Indonesia Maju).

"Oya so Nina Negara ba acara gu'ö nifalua faoma OASE KIM," iŵa'ö.

No fakhamö manofu-nofu dödö zato börö me oya lö fao Nina Negara ba ngawalö halöŵö wa'apresiden. Fabö'ö ira fatua lö tebörögö wökhö sebua (pandemi), oroma oya fao nina negara fao khö Presiden Jokowi ero so ginötö.

Afuriata oroma Nina Negara fao khö Presiden Jokowi me latema Perdana Menteri Jepang Yoshihide Suga ba Gödo Presiden, Bogor, Jawa Barat, me 20 Oktober 2020.

Sanura: Sirus Laia
Kota: London
Baŵa: 16/1/21

Umbu edit

Fabaliŵa lala edit

Kategori: AgamaBudayaEkonomiHukumIlmu PengetahuanNasionalOlahragaPendidikanPolitikTeknologiUmum

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö