| 這篇新聞有漢字的版本。 參考這篇新聞的漢字版本。 |
Kin-á-ji̍t (11/22) tiong-tàu 12-kiông Iá-kiû-sài Tâi-oân bīn-tùi Bí-kok, nn̄g-pêng ê sian-hoat tâu-chhiú sī Zac Grotz kah Tân Pek-chheng.
Thâu-3-kio̍k Tâi-oân lóng-ū kong-chiàm tit-tiám-khoan, tān-sī lóng bô-hoat-tō͘ kè-sio̍k kā kong-sè chhoàn-liân--khí-lâi, chêng-3-kio̍k lóng bô tit-hun. Tē-4-kio̍k Lîm Ka-chèng, Tioⁿ Chèng-ú ê 2-ki jī-lúi an-táⁿ hō͘ Tâi-oân tit tio̍h pún-tiôⁿ pí-sài ê tē-1-hun, Tân Sîn-ui koh phah 1-ki saⁿ-lúi an-táⁿ hō͘ Tâi-oân tit-tio̍h tē-2-hun. 4-kio̍k-hā Juston Crawford ê hi-seng-táⁿ hō͘ Bí-kok cháu-tńg-lâi tē-1-hun. 5-kio̍k-siōng Phoaⁿ Kia̍t-khái kòng-chhut chi̍t-ki ko͘-hun choân-lúi-táⁿ, kā pí-sò͘ kái-siá chò 3:1, m̄-koh hā-pòaⁿ-kio̍k Bí-kok ê Colby Thomas mā sûi kòng chi̍t-ki ko͘-hun choân-lúi-táⁿ, kā hun-sò͘ jio̍k kah 3:2.
Tē-chhit-kio̍k Tâi-oân móa-lúi, Kang Khun-ú phah-chhut chi̍t-ki saⁿ-lúi an-táⁿ, āu-chi̍t-pāng Ga̍k Tong-hôa koh phah chi̍t-ki an-táⁿ kā Kang Khun-ú sàng tńg-lâi tit tio̍h tē-7-hun. Āu--lâi Tâi-oân koh-chi̍t-pái kong-chiàm móa-lúi, chòe-āu kā léng-sian hùn-tōa kàu 8:2. Lo̍h-bóe Tâi-oân í 8:2 phah-iâⁿ Bí-kok, the̍h-tio̍h kin-nî tī 12-kiông ho̍k-sài ê thâu-chi̍t-ê sèng-lī. Che mā-sī 20-nî lâi Tâi-oân tī kok-chè iá-kiû pí-sài lāi-té thâu-chi̍t-pái iâⁿ Bí-kok, téng-pái sī 2003-nî ê Sè-kài-poe Iá-kiû-sài, Tâi-oân í 2:7 iâⁿ Bí-kok.
消息來源
edit- Premier12 Super Round: Five-run seventh gives Chinese Taipei impressive win over USA．
- Chinese Taipei @ United States of America．