Wn/nan/美國死亡谷記錄著百年來上懸溫度

【2020年8月20日訊】

附圖是死亡谷國家公園的惡水盆地（Badwater Basin）的景觀。

死亡谷（Death Valley）是位佇美國加利福尼亞州（California）的一个坑溝，從到今一直是通世界上焦燥、上燒熱的所在之一。美國國家氣象局（NWS）禮拜下晡3點41分左右佇火爐溪（Furnace Creek）記錄著攝氏54.4度這款的高溫。負責這座自動氣象觀測站的國家氣象局拉斯維加斯（Las Vegas）氣象站表示講，若儀器無重耽，這个溫度就是百年來有官方認定的上懸溫度。死亡谷的高溫可能是本禮拜發生佇南加州的熱浪所致，這个地區的溼度嘛自按呢坐落到7%。

美國國家氣象局表示，目前全世界上懸的溫度是1913年7月的56.7°C，仝款是佇火爐溪地區記錄著的，但是進前記錄的真實性猶閣無的確。現此時，世界氣象組織佮美國國家環境信息中心當咧進一步調查這个溫度的真實程度。

高溫嘛造成用電的狀況漸漸繃絚起來。《洛杉磯時報》表示，2020年的加州電力危機，是自2000—2001年的加州大欠電了後，近20年來上嚴重的用電危機。自8月14日開始，加州政府就提前宣布「電力食力」的限電警報，並且宣佈熱浪高峰的8月17日拜一下晡，會是今年上緊張的用電高峰，若氣溫傷過懸、抑是用電過載，加州電力系統就會啟動自2001年來上大規模的「分區限電」。

消息來源

• 'Highest temperature on Earth' as Death Valley, US hits 54.4C，《英國廣播公司》，2020年08月17日．
• 轉角24小時，54.4°C的美國夏天：死亡谷破90年紀錄，加州熱浪大缺電，《聯合報》，2020年08月18日．
• 南加州死谷攝氏54.4度　創逾百年來全球最高溫，《蘋果日報》，2020年08月18日．