| Chit phiⁿ sin-bûn ū Pe̍h-ōe-jī ê pán-pún. Chham-khó chit phiⁿ sin-bûn ê Pe̍h-ōe-jī pán-pún. |
【2020年7月30日訊】
台北榮民總病院今仔日（7月30日）暗時開記者會表示，已經蹛院倚欲半年的中華民國前總統李登輝佇暗時7時24分過身，享耆壽98歲。根據了解，李登輝的遺體佇台北榮總，院方會建置臨時的靈堂供覓喪致哀。李登輝2月8日暗時佇家中進食的時陣無細膩嗾著，因為歹喘氣緊急送去病院，發現有吸入性肺炎佮心臟咳喀，接紲併發兩側肺部肋膜積水佮急性腰子損傷，2月17日突發性心因性休克，CPR急救後使用呼吸器。因為伊有歲仔又閣有多重慢性病、病本較弱，佇蹛院的時陣直直感染，發生敗血性休克佮多重器官衰竭，經過醫療團隊全力救治，猶原袂得通挽回。
李登輝佇1923年出世，日本名號做岩里政男，佇1996年成做中華民國第一位直接民選的總統，予人稱做「臺灣民主之父」。李登輝是美國康乃爾大學（Cornell University）的博士，1984年中選為中華民國第7任副總統，1988年1月前總統蔣經國過身後繼任為第7任總統；1990年3月予國民大會選為第8任總統；佇1996年3月舉行中華民國頭擺總統直接選舉，李登輝當選第9任總統，並佇2000年5月19日卸任。
消息來源
edit- 張茗喧，告別李登輝／前總統李登輝辭世 享耆壽98歲，《中央社》，2020年7月30日．
- 楊明珠，告別李登輝／前總統李登輝辭世 日媒報導稱台灣民主之父，《中央社》，2020年7月30日．