Wn/ml/പ്രധാന താൾ/Lead article 4

സൗദിയിലെ തൊഴില്‍ പ്രശ്‌നങ്ങള്‍ക്ക് പരിഹാരമാകും: പ്രധാനമന്ത്രി

ദില്ലി: സൗദിയില്‍ പ്രവാസികള്‍ അനുഭവിക്കുന്ന തൊഴില്‍ പ്രശ്‌നങ്ങള്‍ പരിഹരിക്കാന്‍ നടപടിയുണ്ടാകുമെന്ന് പ്രധാനമന്ത്രി ഡോ.മന്‍മോഹന്‍ സിംഗ്.സൗദിയെക്കുറിച്ച് ആശങ്ക വേണ്ടെന്നും അദ്ദേഹം ദില്ലിയില്‍ നടക്കുന്ന പ്രവാസി ഭാരതീയ ദിവസിന്റെ സമ്മേളനത്തില്‍ അറിയിച്ചു.സൗദി അറേബ്യയിലെ തൊഴില്‍ പ്രശ്‌നങ്ങള്‍ പരിഹരിക്കാന്‍ നടപടി എടുത്ത ഇന്തോ-സൗദി ഭരണകൂടത്തെ പ്രധാനമന്ത്രി അഭിനന്ദിച്ചു.

പ്രതിസന്ധിക്ക് നടുവിലും രാജ്യത്തിന്റെ സാമ്പത്തിക നില മെച്ചപ്പെടുന്നുണ്ട്.രാജ്യം ഈ വര്‍ഷം 5 ശതമാനം വളര്‍ച്ചാ നിരക്ക് കൈവരിക്കുമെന്നും ഇന്ത്യയുടെ ഭാവിയെക്കുറിച്ച് ആശങ്ക വേണ്ടെന്നും അദ്ദേഹം സമ്മേളനത്തില്‍ പറഞ്ഞു.സംസ്ഥാനങ്ങളില്‍ പ്രവാസി ഭാരതീയ ഭവനുകള്‍ സ്ഥാപിക്കുവാന്‍ നടപടിയെടുക്കും.ഇന്ത്യയിലെ യുവാക്കളില്‍ പ്രതീക്ഷ പുലര്‍ത്തുന്നുവെന്നും അദ്ദേഹം പ്രവാസി ഭാരതീയ ദിവസിന്റെ സമ്മേളനത്തില്‍ വിശിഷ്ടാതിഥികളെ അഭിസംബോധന ചെയ്ത് സംസാരിക്കവേ അഭിപ്രായപ്പെട്ടു.