Wn/lmo/20/12/2020 - La podaria rivà la nev innanz de la fin de l'ann

< Wn‎ | lmo

Ancabén la sia anmò domà on'ipòtesi i probabilità hinn adrée andà su seconda quell che ‘l ne dìss el gràfich di previsión d'insèma. Ch' el 26 de dicember la sìa 'drée a rivà on'ondada de frècc, l’è sicùr, [1]. La temperadura media la rivarà a pressappòch -6°C al livèll di 850 hPa (circa 1500 meter de altèzza) e donca on poo sòta i 0°C al livèll del soeul. El scenari l’è quèll de l’aria frèccia che la ven de la Russia, l’inscì ciamàa anticiclon Russo-Siberian, condizión bòna de provocà el ristàgn arént al soeul de aria frèccia in la Pianura padana, l’inscì ciamàa “cossìn frècc”. In séguit el sarà possìbil, ancabén nananmò sicùr el rivà de 'na perturbazion atlantica sora el cossìn frècc bòna de portàgh la nev a la pianura padana anca in Lombardia. Tuttamànch gh’è ancamò de incertèzza sora el rivà de la nev, che la podarìss rivà infra el 28 e ‘l 29 de dicember.[2] Semper a vardà i prevision d’insèma se dedùss de fàtt che la nev la podarìss rivà o nò degià che gh’hinn di incertèzz sora i precipitazion e sora i temperadùr, però i esistèn anca di scenari de nev possibil fin a 30 cm in del cors de du dì. Per savènn pussée gh’hèmm de spettà i pròssim aggiornamént.[3]

21/12/2020 aggiornament

edit

El scanari pussée facil l'è quèll de nev a comenzà de la nòtt infra el 27 e 'l 28 de dicember, precipitazion fin al cappdann, ma in del cors del 29 nev diventarà pioeuva.

  1. https://www.ilmeteo.it/meteo-lungo-termine/Milano?refresh_ce
  2. https://www.ilmeteo.it/notizie/meteo-fine-dicembre-e-capodanno-2021-freddo-e-gelo-invernale-sullitalia-con-neve-fino-in-pianura-proiezioni-174625
  3. https://www.ilmeteo.it/meteo-lungo-termine/Milano?refresh_ce