Epic
ای قسمو درونگار نظم کہ ھتیرا کہ قمو یا رویان بخدیرانہ کورمان سلسلہ وار داستان منظوم حالتہ کہ اوشونی ھش قسمو نظم عموماً مثنویو شکلہ بوی وا نفس مضمونا بعض دفعہ غیر فطری واقعاتان دی داخل کورونو بویان لیکن ھیہ کیہ خوبی نو، یورپا ھموش قسمو قدیم اوچے مشہور رزمیہ نظمان ایلیڈ اوچے اوڈیسی اسونی وا ھیتان ای قدیم یونانی شاعر ہومر تصنیف کوری آسیتای اینیڈو رزم نامہ دی ای یونانی شاعر ورجلو شاہکار شیر انگریزیا ملٹنو ’’فردوس گم شدہ‘‘ دی ہے قسمو ای نظم شیر، ہندوستانو مہابھارت اوچے رامائنو مشہور رزمیہ نظم شینی ھمیت کھاڑ سنسکرتہ شینی، فردوسیو شاہنامہ اوچے نظامیو سکندر نامہ فارسیو مشہور رزمیہ نظم شینی اردوا شاہنامہ سلام (مصنف حفیظ جالندھری ) دی ہے قسمو ای کتاب شیر کہ ھتیرا تاریخ اسلامو نظمو پیرائیا بیان کورونو بیتی شیر اردو مرثیہ دی کورا کورا رزمیہ شاعریو خصوصیات غیچھی گونیان، کھوار زبانا ھمو موجد رحمت عزیز چترالی اسور-
| |
| File:Chitrali Chugha.JPG | |
|
کھوار زبانا رزمیہ نظمو بانی رحمت عزیز اسور۔ Photo Credit: Rehmat Aziz Chitrali | |
