دعا، عربی زبانو لوظ شیر وا ھمو لغوی معنی التجا، فریاد اوچے اشقالی شیر لیکن مذہبی مفہوما ھموغاری مراد اللہو ساری (عموماً عبادتو دورانی) کیہ فریاد کوریکو یا کیا مشکک شیر۔ ھیغار علاوہ مخصوص آیاتن ورد کوریکوتے دی دعا رونو بویان جبکہ کیہ شخصیتو نیک تمنا اوچے جمیو خواہشو اظہاروتے دی دعا رونو بویان۔ اہل اسلامو نظرا خدایو ساری دعا مشکک عبادتہ شامل شیر۔ خداوند قدوس تان دی بعض دعان خاص طورا زکرو کوری اسور وا بنداگان دی ہے طریقان یا ہے الفاظا دعا کورونیان۔ ھشتانچقہ بعض پیغمبران کیہ دعا کی کوری اسونی ھتیت دی قرآنا موجود شینی تاکہ عام مسلمان دی ہے موقعا ہے دعان یاد کورار وا خدایو ساری مدد مشکار۔ حدیثا دی بعض دعان ذکر شیر کہ ھتیتان جو دنیو سردار آنحضرت صلی اللہ علیہ وسلم بعض موقعا مشکی اسور یا ھتیتان مشکیکو حکمو دیتی اسور۔ علماء فقہا دی خاص خاص موقعا بچے دع مقرر کوری اسونی۔ ھیتان موژاری بعض (مثلاً دعائے حزب البحرب) بومقبول شینی۔
دعا کھوار زبانو نوغ اصنافان موژی ای صنف شیر ھمو سفو ساری پروشٹی رحمت عزیز چترالی نیویشی آسور
دُعا edit
دعاگو:رحمت عزیز چترالی
قبول کورے دعا، خدایا
انسان اسپہ جم ساوزا،خدایا
غلط راہا مو بوغام
فروسک راہو پشا، خدایا
مہ ھردیو یہ آرمان شیر
مدینہ شریفو مہ پشا، خدایا
علمو دولتو سفوت دیتی
ھیتان ھردیان روشتا، خدایا
حراماری اسپہ بچ کورے
ررق حلال اسپہ ژیبا، خدایا