Setu, 10 Mei 2008
Jon Edwards saka Kroll Ontrack Inc., Minneapolis, Minnesota iku bisa mbalèkaké data-data saka komputer sing wis rusak total. Dhèwèké bisa nylametaké data saka cakram padhet (hard disk) sing kobong lan wis lèlèh nalika pesawat ulang alik Columbia njeblug ing taun 2003 kapungkur.
Pancèn Jon Edwards rada begja karo cakram padhet iki, sebab cakram-cakram padhet liyané sing kepéngin dislametaké déning Edwards saka Columbia ora bisa manèh.