【2018年4月26號訊】
4月25號，紅色主旋律電影《無悔歲月》啓動儀式佇仙遊縣榜頭鎮紫澤社區兮王于潔烈士紀念館廣場辦。這個電影片是閩中地區頭一片紅色主旋律院線兮電影。
聽講，《無悔歲月》是反映頂個世紀30年代，王于潔、黃孝敏、潘濤、陳炳奎、余長鉞、蘇華等一批早期革命者在九鯉湖墘領導、建爬起閩中游擊區，佮中央齊無法度聯繫兮時節，堅持三年兮游擊戰，爲了革命命都捐出兮感動兮故事。電影片趁歷史檔案取材，是正正兮事體，反映閩中「红旗𣍐倒」精神。
這個劇本自寫了以後，省委宣傳部等各級部門大賞賀。者片項蜀批好兮藝術創作人才拾做蜀合，包括導演趙翀、編輯康天賜等；演員肖宗靈、丁海峰、范雷等加入厝。
消息來源
edit- 红色主旋律电影《无悔岁月》启动仪式在仙游举行，《湄洲日報》