【2019年5月20號訊】
往過，莆仙方言因爲無蜀本系统兮詞典，絕穧愛好者合學兮儂，学兮時節無物乇通參考。若卜有电子化兮詞典，通過輸入普通話兮詞轉換做方言對應兮詞，甚至附有錄音，就會方便絕穧。
《莆仙方言簡明詞彙》者本冊，雖然毋是系統兮詞典，做學習兮参考，亦是嗺好。者本冊，用字、註音下了嗺穧功夫，用字大部分合本字差不多，其他虽有瑕疵，亦無可厚非，後勢使用兮儂力可想而知，者乞者些前輩致敬。
註音方式使兮是比較權威兮國際音標（International Phonetic Alphabet，簡稱IPA）。漢語族方言比較專業兮詞典，使IPA去註音是慣例，因爲伊對發音兮標記比較準。但是只有冊對於愛好者合學習者來講，復是有淡薄摳氣，尤其是IPA，絕穧儂毋知趁底跡學會着，了就𣍐讀。
現時有蜀個將《莆仙方言簡明詞彙》者本冊電子化兮計劃。者個計劃是借微信小程序完成查字詞功能，目的是實現算瞭解母語兮愛好者復有算學莆仙語兮學習者有蜀個可以參考兮途徑，更有利於莆仙語兮發展。
仱錄入工作已經起鼓，都合有十一位朋友報名參加，完成進度已經過半，佇者途向汝輩致謝！感謝汝輩兮付出。
參與人員名單：
- 餅乾
- 江口
- 滷麵
- 泛粟
- 笑熬漿糊
- Seb
- 洛書
- 卓越
- 天藍藍
- 指針
- 零無
- 芽油