【2019年2月13號訊】
《人民日報》2019年2月13號第5版正式評價《流浪地球》。作者是金蒼。
眏會看著復會穧兮中國價值、東方理念，佇人類兮想象力兮疆域延伸出。 今旦兮中國科幻文藝創作，有改革開放40年科技巨大進步者蜀項「巨儂兮肩頭」，亦有着逐個不斷增強兮科學嚮往者蜀項「盡厚兮土地」。 春節假期，有蜀片電影，罔來罔穧儂卜去看。《流浪地球》票房已經超過22億，春節檔兮冠軍是伊。 電影晽起鼓，就講蜀個絕大兮故事：人類佇地球面頂裝萬穧「行星發動機」，卜佇日頭氦閃以前項地球挨出，行邊兜兮星系。往過無聽喙兮後生囝，佇老父影響之下大個爬起，變做項地球趁木星引力中央走出兮英雄。用宇宙做背景兮大設定，太空場景、災難景觀、工業風格、熱血少年，者是蜀片有觀賞性兮電影。 佇者個電影時節中央，㑑輩復會看著絕穧熟熟熟兮中國元素。有地下兮北京、乞冰凍爬起兮上海，甚至是對「流浪」合「去厝」者蜀組關係兮理解，都是中國儂對家庭兮嚮往、對祖家兮眷戀——面對危險兮人類，帶地球者個家齊行遠遠兮位處。可能亦是絕穧儂對焉生蜀片電影兮世界更加期待兮原因。眏會看著復會穧兮中國價值、東方理念，佇人類兮想象力兮疆域延伸出，佇更加摳氣合特殊兮情況之下處理人類面對兮永恆拷問。 蜀片成熟兮電影，毋是突然間出現兮，是有膦頭兮文化體系兮支撐。劉慈欣兮《三體》等作品屢獲國際大獎，項中國科幻文學變焰燦爬起；《戰狼Ⅱ》遘《無名之輩》等風格無蜀樣兮電影作品，項電創作水位迎懸兮同時，亦蜀環嗗蜀環項中國電影票房迎懸——春節當期晽了，電影總兮票房已經卜遘60億。者些，亦是觀衆對中國科幻電影有期待兮文化合心理背景。 更加重要兮是，劉慈欣講兮，今旦兮中國有強烈兮「未來感」。科技創新兮「中國浪潮」世界都會看著，亦項中國儂對科學兮認知開爬起。春節當期晽了，貴州山區兮「中國天眼」，變做蜀個旅遊熱點，逐個算佇者瞭解未知、聆聽未來。合者蜀片「硬核科幻電影」變做熱點話題蜀蜀樣，都可以講是當代中國科學熱情高漲兮縮影。中國科協兮調查顯示，2018年我國具備基本科學素質兮公民比例達8.47%，者中央，上海、北京两地兮比例超過20%。可以講，今旦兮中國科幻文藝創作，有改革開放40年科技巨大進步者蜀項「巨儂兮肩頭」，亦有着逐個不斷增強兮科學嚮往者蜀項「盡厚兮土地」。中國兮做科幻兮、做電影兮儂有能力亦有責任項机遇搦著，爲世界兮科幻文藝創作提供復會穧復會好兮中國經驗、中國故事，拓展人類對於未來兮想象空間。 應該講，相對影視經典、科幻大片，《流浪地球》復有點囝差距。但是蜀片電影會變成公共話題、激發公共討論，亦意味者片電影有討論兮價值，更意味觀衆對中國科幻有着進一步兮期待。對觀衆來講，對電影兮評價，可能亦會少點囝譁衆取寵、意氣之争，多點囝中肯建議、理性之言。看著長處亦看著短板，既不捧殺也卜捧殺，正會激勵文化產品質量兮進一步提升。指出電影甚至原著兮不足，也項遘額兮支持合鼓勵摕出，正會將㑑輩兮想象力綴小說、綴电影齊激昂，迎接中國科幻正正兮春天。
消息來源
edit- [1]，来源《人民日报》