【2019年4月7號訊】 從新曆二月二十號，莆仙話輸入法兮起鼓錄入，單字是使《莆田縣誌》、《莆田市誌》兮同音字表，詞彙是使《莆仙方言簡明詞彙》內嚮兮詞。代碼是央福州子善寫兮，真經着感謝。
四月二號，《簡明詞彙》錄入了咯，都合五千零單字合五千零詞。
現時莆仙語拍字並往過會方便點囝咯，毋使去記數個字兮普通話發音。但是這些詞硬空無夠額，復着繼續錄入。後下寫維基新聞亦無許摳氣咯。
仱輸入法只有莆田腔，後下亦兮增加仙遊腔，希望通過這個輸入法，會喝醒逐個，齊來保護㑚兮母語。
