Wn/cdo/Mìng-dĕ̤ng-ngṳ̄ Wiki Sĭng-ùng dáng-sĕng lāu

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

---

2017 n. 12 ng. 12 h. séng

Siŏh-màng (12 ng. 11 h.), Mìng-dĕ̤ng-ngṳ̄ Wiki Sĭng-ùng găk Wiki Hŭ-huá-ké lā̤ dáng-sĕng lāu.

Mìng-dĕ̤ng-ngṳ̄ sṳ̆k-ṳ̆ Mìng-ngṳ̄, găk Hók-gióng dĕ̤ng-buô dê-kṳ̆ gâe̤ng Ciék-gŏng dĕ̤ng-nàng-buô dê-kṳ̆ tŭng-hèng. Gōng Mìng-dĕ̤ng-ngṳ̄ gì nè̤ng gó̤ cê-gă gì mū-ngṳ̄ hô̤ lā̤ Bàng-uâ, é-sé̤ṳ sê „bàng-siòng gōng gì uâ“. Gó-chṳ̄ nē̤ng-gă Mìng-dĕ̤ng-ngṳ̄ Wiki Sĭng-ùng iâ hô̤ lā̤ Bâng-uâ Wiki Sĭng-ùng.

Gióng-siék Bàng-uâ Sĭng-ùng gì mŭk-dék, gâe̤ng Bànguâpedia dùng siŏh-iông, dŭ-sê gū-lâ̤ â̤-báik Mìng-dĕ̤ng-ngṳ̄ gì nè̤ng sāi cê-gă gì ngṳ̄-ngiòng gōng tiĕng gōng dê, sāi cê-gă gì ùng-cê siā cuòi siā huòi.

Bàng-uâ Sĭng-ùng dāng gó diŏh lā̤ gióng-siék, huăng-ngìng káng-giéng cī piĕng bó̤-dō̤ gì nṳ̄ cà̤ lì chăng siŏh kă.

Cuòi sê Mìng-dĕ̤ng-ngṳ̄ Wiki Sĭng-ùng gì tàu siŏh piĕng bó̤-dō̤.

Siĕu-sék lài-nguòng

Cī piĕng bó̤-dō̤ gōng gáu lāu Wiki Muòi-tā̤ Gĭ-gĭng-huôi hĕ̤k-ciā gĭ-gĭng-huôi gì hó-sṳ̆k gé-huăh (pī-ṳ̀-gōng Wiki Sĭng-ùng, Wiki Báik-kuŏ) dēng-dēng nô̤i-ṳ̀ng.