Wikimedia Incubator

Wn/cdo/Bìng-chiŏng Dĕ̤ng-ó̤-huôi biê-mŏk, â siŏh câng Báe̤k-gĭng

< Wn | cdo
Wn > cdo > Bìng-chiŏng Dĕ̤ng-ó̤-huôi biê-mŏk, â siŏh câng Báe̤k-gĭng
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

2018 n. 2 ng. 26 h. séng

Siŏh-màng-buŏ (25 hô̤), Bìng-chiŏng Dĕ̤ng-ó̤-huôi biê-mŏk. Séng-huō siĕu lāu 16 gĕ̤ng, siŏh-màng biê-mŏk-sék gì sì-hâiu iâ mâing-mâing miĕk kó̤. Biê-mŏk-sék dài-dŭng, Guók-cié Ó̤-ūi-huôi Ciō-sĭk Bă-háik (巴赫) gōng-uâ, cáng-iòng ông-dông-uòng ôi sié-gái sê̤ṳ-lĭk lāu bōng-iông. Gó iĕu-chīng gūi ôi ông-dông-uòng siông-dài, bău-guák gĭng-bà̤ dáik-ciō, Hàng-guók bĭng-kiĕu (冰橇) ông-dông-uòng Ṳ̄ng Sìng-bĭng (尹誠彬), Dièu-siēng huă-iông huăk-bĭng sōng-chiū Lièng Tái-ngṳ̆k (廉太玉), Mī-guók huăk-siók ông-dông-uòng Lìng-suói Áuk-ŏng (林賽 沃恩), Tŏng-gă (湯加) gì-chiū Dò̤-huák-táuk-hô-ă (陶法托富阿).

Ùng-ngiê biēu-iēng cĭ-hâiu, sê „Báe̤k-gĭng Báik-hŭng-cṳ̆ng“, tā̤-ṳ̆k-guāng diē-sié chók-hiêng lâng tàu hṳ̀ng-mà gâe̤ng siŏh ciáh Dṳ̆ng-guók-giék gì hìng-chiông, cĭ-hâiu gūi ciáh huăk-lŏ̤h-bĭng gì chĭng-nièng-gŏ̤ bài-chók „2022“ gì cê-iông, iâ cêu sê â siŏh huòi Báe̤k-gĭng Dĕ̤ng-ó̤-huôi gì gṳ̄-bâing sì-găng.

Siĕu-sék lài-nguòng

edit
  Cī piĕng sĭng-ùng bó̤-dô̤ gì cuòng-buô hĕ̤k-ciā buô-hông nô̤i-ṳ̀ng, lài-cê̤ṳ Mī-guók Lièng-băng Céng-hū gì guăng-huŏng guōng-bó̤ gĭ-gáiu Mī-guók cĭ Ĭng gì sĭng-ùng „平昌冬奥会闭幕式“, ô-guăng sĭng-ùng sṳ̆k-ṳ̆ gŭng-iēu līng-mĭk.
Kī-dâe̤ng cé̤ṳ-é : VOA â̤ diōng-cāi lài-cê̤ṳ Mī-lièng-siâ, Huák-sĭng-siâ dēng-dēng dê-huŏng gì sĭng-ùng sióng-piéng, ô-guăng sĭng-ùng gì diōng-cāi siōng-piéng mâ̤ sáung gŭng-iū līng-mĭk.
Retrieved from "https://incubator.wikimedia.org/w/index.php?title=Wn/cdo/Bìng-chiŏng_Dĕ̤ng-ó̤-huôi_biê-mŏk,_â_siŏh_câng_Báe̤k-gĭng&oldid=5625294"