參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年4月2號福州訊】
.jpg)
昨日（1號），福建高三省質檢開始。遘昨暝（2號）考書結束。
昨日考其語文有蜀道題目，乞學生幾句話，問俤蜀句得體。頭蜀萆選項是依弟滿世躃躃動，依奶對依弟告：「你咋像隻大馬猴似的！」嚽是東北話，使福州話翻譯應該就是：「汝做𡅏共食信老鼠蜀樣咯！」第二萆選項是醫生敆𡅏做手術，對邊兜其護士講：「駃，麻煩你把止血鉗遞給我！」（駃駃來，起動汝乞我止血鉗！）野価學生選去第二萆，但是頭蜀萆乍無賺，因爲做手術時候，情況野急，就伓使「麻煩」這般客氣其話了。學生考書之後拈答案看，發現「大馬猴」乍無綻，就敆社交網絡懸頂做蠻笑，比如使「大馬猴」「止血鉗」等等乇編故事，或者做了表情包，表達自家其感受。
學生敆網絡懸頂，對這蜀回考書其難度也發表了自家其意見，遘今旦都無停。