參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2019年2月1號福州訊】
今旦是二月頭蜀日。早頭八點半，福州鼇峰坊歷史文化街區正式開街。
只回改造，坊門起了蜀芘新其，是舊底其樣式。旁邊其厝也做了景觀改造。
今旦固做了傳統樣式其狀元宴。
-
「狀元」騎馬 -
牽馬其
鰲峰坊敆于山山骹，出過兩隻狀元，固有無數名人，是蜀條有歷史有文化其巷巷。去年七月尾，福州市出臺《福州市特色文化街區建設工作方案》，講鼓樓區卜改造鼇峰坊，做特色歷史文化街區。仱就一直修遘前蜀月日。改造工程卜結束其辰候，開了專家研討會。福建省文史研究館前館長盧美松就指出，街區改造着突出教育、文化、人才。今旦其狀元宴，就是伊其建議做其。
消息來源
edit- 鳌峰坊历史文化街区拟月底开街 状元宴等历史文化可能入你眼帘. 东南快报 (东快网). 2019-01-16 [2019-01-31] （中文（简体））.
- 吴晖; 蒋雅琛; 莫思予; 陈渊. 为“文化福州”添人文底色 福州15个特色历史文化街区春节前后陆续迎宾. 福州新闻网 (福州新闻网). 2019-01-28 [2019-01-31] （中文（简体））.
