【2019年10月24號訊】
_(cropped).jpg)
涉嫌著臺灣刣死自家女朋友其香港儂陳同佳，之前乞搦起去，關香港其蜀隻監獄裏勢，仱昨暝（23號）早頭放出來了。伊共媒體講，自家願意遘臺灣自首。陳同佳著香港是因爲盜竊罪乞搦起去服刑其。
臺灣當局拍算派儂去香港押解陳同佳。但是昨暝，香港政府講儥使，故講嚽是「跨境執法」，「對香港司法權儥尊重。」
昨年（2018年），陳同佳刣死女朋友，就偷偷䟛轉香港，遘尾成爲年在香港「反送中」示威抗議其導火線。陳同佳著香港也乞搦起去，講是有偷女朋友其乇其嫌疑。香港共臺灣之間無引渡協議共司法互助機制，故此無能涯引渡陳同佳遘臺灣接受調查。
