參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年2月15號訊】
臺灣屏東縣紅綠燈懸頂綠色倛儂囝，趁設計遘現在已經有18年了。茲18年來，茲隻儂囝都是單身哥，無儂做陣。不過今年情人節伊也𣍐孤單了。
前日（13號），屏東縣舉行新紅綠燈啟用儀式，復安排了蜀對新人做婚禮。新紅綠燈倛樣式，是儂囝跪下，對邊兜蜀隻儂囝求婚。
屏東縣縣長講，總款會體現屏東是蜀萆夫塊都是愛倛地方，也希望會吸引青年留著屏東結婚，製造鄉村競爭力。
以後全縣都會慢慢換新樣式。
消息來源
edit- 屏東「小綠人下跪求婚」紅到國外 登上倫敦晚報！. ETToday新聞雲.
- 屏東「小綠人」脫離單身 紅燈「下跪求婚」閃爆啦！. ETToday新聞雲.