【2023年11月19號訊】
有儂傳，以色列共哈馬斯兩邊達成了停火其協議。㑚是白宮講「無」，講故敆𡅏努力。
之前，《華盛頓郵報》禮拜六其報道有講，敆卡達（也號𡅏卡塔爾）其調解下底，以色列共哈馬斯之間已經達成協議，講無介拍仗了。不過白宮國家安全委員會發言人艾德麗安·沃森（Adrienne Watson）此刻發聲明講清楚：故未就暫時停火達成任何協議。
發言人講：「協議故未達成，儂家會繼續努力。」
路透社報道，故有蜀隻美國官員也有證實，以色列共哈馬斯故未達成世乇協議。
以色列總理本雅明·內塔尼亞胡（Benjamin Netanyahu）敆拜六（11月18號）新聞發布會懸頂也否認去協議其消息，故批評講「這兩幫野価報道都有賺」，強調㑚達成協議，將會公告以色列民眾。 內坦尼亞胡強調希望救下所有儂，「儂家盡最大其努力帶轉所有儂，包括分階段去進行」。
有蜀隻伓想講出自家名字其儂，乞《華盛頓郵報》消息。《華郵》之前其報道，引用伊其消息，講以色列、美國共哈馬斯已經達成蜀項臨時其協議，之前着加薩乞攔去儥行，㑚使做人質其幾十隻女界共伲囝哥，這下都放去，這樣款換取暫停拍仗。㑚是真其這樣款，嚽就是以哈爆發衝突超過蜀個月日以來，兩邊頭頭回暫停拍仗。
《華郵》講，這芘協議內容會遘6頁長，細節包括各方第一少5工無拍仗，同時「每24小時分批放待50隻或且故価其人質」。
