Wn/cdo/第32屆東京電影節閉幕 法國電影《㑚有野獸》掏下觀衆獎

【2019年11月7號訊】

5號，第32屆東京電影節結束了。電影節共總做了8工。

章子怡做只蜀回評審團其主席（資料圖）

章子怡做只蜀回評審團其主席。伊公佈講，丹麥電影《叔叔》掏下東京電影節第一霸其獎金麒麟獎。烏克蘭電影《亞特蘭蒂斯》得遘評委會特別獎。伊朗電影《650萬吸毒者》掏下最佳導演，主演納維德·穆罕默德紮德掏遘最佳男演員獎。法國電影《㑚有野獸仈轉》掏下觀眾獎，有演只蜀部電影其娜迪亞·特列什科維奇也得遘最佳女演員獎。

演《㑚有野獸》其儂回答觀衆其問題

中國導演王瑞導演其蒙古語作品《白雲之下》得遘最佳藝術貢獻獎。2016年《伓是問題其問題》（不成問題的問題）共2017年《暴雪將至》也有得遘只隻獎。亞洲未來單元其最佳影片，由尤行導演其《夏夜騎士》掏下。

消息來源

• 彭郑子岩. 【东京电影节】第32届东京电影节闭幕：这可能是国产电影最后的一块“福地”. 界面. 2019-11-06 （中文（简体））.