參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年7月10號訊】
福州地鐵2號線卜起遘馬尾了。昨暝（9號），福州市發改委就茲蜀萆延伸段其環境影響評價開始征求公眾其意見。
2號線馬尾延伸段工程趁鼓山站開始，馬尾港站結束。鼓山站是2號線一期工程終點。總款2號線全長大概16.88公里，全部都起地下。車站起12隻。各站平均站間距1.4公里。距離第一遠其是下岐樓站遘魁岐站，有3.7公里。距離第一近其是保稅區站共馬尾港站，有0.84公里。茲蜀萆線路新增加馬尾停車場蜀萆，新建玉藻主變壓器蜀萆。
十隻工作日之內，福州市民會使寄批、寫郵件、拍電話等等，乞福州市發改委或且環評單位中鐵第四勘察設計院集團有限公司講自家其意見共建議。市發改委敆自家其官方網站公佈了聯繫方式。
消息來源
edit- 地铁2号线将延伸至马尾 全长约16公里设车站12座. 福州新聞網.