參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2017年12月22號福州訊】 今旦（12月22號）是二十四節氣其冬至。共「做半段」同蜀樣，對福州儂來講，除𡅏春節，無什乇節日比只蜀日重要。
「搓𥻵之搓搓，依奶疼依哥；依哥討依嫂，依弟單身哥。……」福州市臺江區中亭街後頭其小路蜀邊，「耳聾伯」元宵店已經有蜀百多年歷史。「每遘冬至，買𥻵其儂就變価去了。」老板搓濕秫米粉，動作野駃，搓成丸囝，之後放野灴其水𡅏煮熟，敆芝麻花生粉𡅏簸蕩𥻵，食去復甜復香。
「厝裡做有仂囝麻煩，就直直去裏來買了哇。」市民李先生講。但固価其儂愛敆厝做𥻵，「也𣍐仈快勢著食，傳統其乇固是自家做野好食。」每年都敆厝做𥻵其林依姆冬至都是野歡喜，「我其女囝平常外斗忙，冬至乍有時間行我厝裏做節。」
除𡅏主角「𥻵」，福州儂也會祭祖、釀酒。以前也有摜火籠（蜀種取暖工具）其習俗，時代發展了，只種習俗已經逐漸淡出福州儂其生活。
冬至只蜀日，日頭直射南回歸線，北半球白晝最短，黑夜最長。之後白晝慢慢變長，春天，也就來了。
消息來源
edit- 今天冬至福州部分乡镇有霜冻 市气象台发布蓝色预警. 福州日報.
