【2018年2月20號訊】
昨暝（19號）是正月初四。福州三坊七巷戊戌新年鳴鑼開市活動敆光祿吟臺舉行。幾隻福州老字號商家倛代表齊敲開市鑼，祝願開市大吉。
按福州傳統倛習俗，初四茲蜀日著迎接灶公、財神。昨暝倛活動臺中，就有民俗表演，表現灶公趁天庭來遘凡間，履行伊今年倛責任。復有儂演財神，分乞大家金元寶，復重復価。
福州民俗專家鄭子端講：「一般是初五乍開市，但是野価商家初四迎接財神。商家卜求吉利，故此早仂囝迎接財神。」
