【2023年12月27號訊】
白羅斯總統拜一講，俄羅斯已經共戰術核武器下白羅斯去。嚽引起周邊國家——像講波蘭等等——其擔心。
總統亞歷山大·盧卡申科（Alexander Lukashenko）敆聖彼得堡出席經濟會議其時候講，戰術核武器10月送好了，但是伊無講出有若夥価核武器，也無講出放俤所去。盧卡申科有行其這芘經濟會議，是莫斯科領導其經濟陣營其會議。
戰術核武器敆戰場使用，射程野短，彈頭比遠程核武器嫩。俄羅斯講伊會繼續控制攖着白羅斯其這裏核武。
盧卡申科講，核武放白羅斯這所是為了阻止北約國家波蘭其入侵。波蘭乞鄰國烏克蘭提供軍事、人道共政治支持，抵抗俄羅斯其入侵，也參與國際對俄羅斯共白羅斯其制裁。
敆白羅斯其俄羅斯軍隊蜀開始就由北部拍裏烏克蘭，但是現刻會曉其是白羅斯其軍隊無參蜀骹。
