參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年4月29號訊】
拜五（4月27號），朝鮮領導人金正恩共韓國總統文在寅敆板門店會談。雙方發表《板門店宣言》，宣佈敆今年暝之內結束兩萆國家其戰爭狀態，固將朝鮮半島完全無核化當作目標。
中國外交部發言人華春瑩敆茲蜀日其例行記者會講，兩隻儂其會面有「歷史性」，中方讚賞伊各儂其政治決斷共勇氣。華春瑩固引用了蜀條詩句，就是「渡盡劫波兄弟在，相逢一笑泯恩仇」。俄羅斯總統普京通過發言人指出：「第一重要其事計，是朝韓雙方都想開展對話」。美國總統特朗普敆社交網站發文章，講「好事敆𡅏發生」。日本首相安倍晉三認為，金正恩共文在寅會面，對完全化解朝鮮問題有「正面」影響。
消息來源 edit
- 朝韩联合声明：将在年内宣布结束朝鲜战争. 紐約時報中文網.
- 朝韓峰會：中國在朝鮮半島仍有「重要角色」. BBC中文網.
- 朝韩美峰会唱大戏 北京恐成配角. 美國之音.