Wn/cdo/日本國會通過阿伊努族支援新法 頭蜀回清楚寫出「原住民族」

【2019年4月20號訊】

阿伊努儂（資料圖）

日本參議院全體會議昨暝（19號）通過新法《阿伊努民族支援法》，清楚寫出阿伊努是「原住民族」，嚽是日本其法律頭蜀回總款表述。新其法律設立了補貼制度，好維持、振興阿伊努自家其獨特文化。只蜀項法案就總款正式成為法律。

日本其中央政府會設立阿伊努政策推進總部，定下基本方針。假使講市町村按這方針去制定振興文化、產業、觀光其地區計劃，中央政府就會向相關項目撥款。

舊底，由國有其森林獲取民族儀式使其林產品，共按傳統其方式敆河𡅏捕撈鮭魚，都着通過許可程序。以後，這程序也會變簡單。

消息來源

• 日国会通过阿伊努族支援新法 首次写明“原住民族”. 共同社. 2019-04-19 [2019-04-20]. （原始内容存档着2019-04-20）.