參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2017年12月14號訊】
今旦（14號），文學家余光中因病去世，享壽90歲。高雄醫學大學附設醫院倛儂講，病儂倛厝儂要求保密，無公開具體病症，但是茲蜀件事計無綻。臺灣中山大學講，余光中早頭10點04分𡅏過去了，伊厝儂希望無乞儂攪擾，仱學校也會幫搭去料理後事。
余光中去年暝敆厝邊𡅏跋蜀倒，顱內出血住醫院去了。以後𡅏身體變好，離開醫院之後，固捐助弱勢群體，來紀念鑽石婚。今年10月23號，中山大學乞余光中做九十大壽，遐時候也是余光中最尾蜀回出席公開活動。
余光中倛作品敆中國大陸影響野大。伊去世以後，野価儂發文字緬懷。有學生微博𡅏講：「昨暝晡上堂大家齊去朗誦《鄉愁》……遐時候固著𡅏想……余光中老先生固健在真是野好……遘尾了今旦……看見消息一時無辦法接受……」各地媒體也敆網絡懸頂發文字發視頻緬懷。
消息來源
edit- 詩人余光中病逝 高醫及中山大學證實. 自由時報. 2017-12-14.
- 余光中最后露面：10月台湾中山大学为其为庆90大寿. 鳳凰網. 2017-12-14.
- “乡愁诗人”余光中逝世 引发大陆集体缅怀. BBC中文網. 2017-12-14.
- 余光中病逝 中媒稱巨匠隕落、文壇「璀璨五彩筆」. 自由時報. 2017-12-14.
