Wn/cdo/改回舊地名 福州下院變廨院

< Wn‎ | cdo
Wn > cdo > 改回舊地名 福州下院變廨院
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

【2018年8月1號訊】

茲篇新聞其報導視頻

趁8月1號起,福馬路懸頂「下院公交總站」公交站更名為「廨院公交總站」,「鼓山中學」公交站更名為「廨院小學」。

福州市道管處公交科劉曉峰科長解釋了為什乇改名。伊講:「其實,下院地名是以訛傳訛。」現在下院所在地方,原來是告「廨院」。茲隻廨院,是古代官儂辦公其地方。老福州都講,鼓山山骹本來有蜀座官府,後兜原址改建為鼓山旅遊索道其起點。廨兹蜀字其讀音,敆1870年出版其《福州方言詞典》(Dictionary of the Foochow Dialect)記做「gá̤」共「hâi」,2015年的《福州話實用字典》號囉「gá̤」。但是也有福州人讀做「há̤」。當時建公交站,取站名其辰候,因為「廨」共「下」其福州話讀音相似,就變成「下院」。所以現在鼓山蜀帶含有野価「下院」地名,比如講「下院站」「下院小學」「下院公交總站」等。劉科長講,伊上小學辰候,就有下院告法了。

劉科長講,福州市地名辦最近下發蜀份文件,講敆起地名其辰候,著盡量恢復古地名,還原地方歷史共文化記憶。所以將「下院公交總站」正名為「廨院公交總站」。介加上鼓山中學搬去之後,鼓山僅長下下院小學。前蜀段時間,下院小學也將名字改成去廨院小學。於是,「鼓山中學」公交站其名字,就總款也跟𡅏變成「廨院小學」了。

茲篇新聞其錄音

消息來源 edit