【2018年9月23號福州訊】
今旦（9月23號）開始，由福州搭高鐵，可以直接遘香港了。
今旦其G3001次列車由CRH2A動車組擔當，重聯列車7:40分開裏福州站，停靠4站臺。
頭蜀班去香港其高鐵發車之前，除𡅏站內大屏幕懸頂增加了G3001次列車信息，候車廳外兜固起去紀念牌，候車廳裏勢也發放首日封等禮物。茲回去香港其高鐵開行，福州站候車大廳其服務臺也專門加上廣東話服務。
早頭8:25，G3001次福州遘香港西九龍其高鐵慢慢開出福州火車站。下晝2點遘香港。茲蜀班列車也成爲福州發出其頭蜀部遘香港其高鐵。
由香港出發開遘福州其首發車，本底預計下晝14:23開出，僅是講含不蜀時延誤19分鐘，最終14:42離開香港。20:05遘福州火車站。
廣深港高鐵香港段長26公里，起去8年，遘尾今旦開始運營。總款，香港高鐵就接遘大陸其鐵路網裏勢了。