參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年2月21號訊】
今旦（21號）是國際母語日。今年暝母語日倛主題，是「保持語言多樣性，促進使用多種語言，以支持可持續發展目標」。聯合國教科文組織重申自家對語言多樣性倛承諾，邀請會員國使固価倛語言慶祝國際母語日，講倛語言悗価悗好，總款來提請公眾關注語言多樣性，關注遘多語現象對可持續發展盡去重要。
《山西晚報》敆3日前開始調查山西方言倛現狀，仱今旦母語日也發佈了報導。報導講，敆山西，方言使用率悗變悗低，𣍐講山西話倛仂囝哥囝悗變悗価。《山西晚報》記者復敆馬墿邊兜採訪，結果顯示，50歲以上倛儂認為「母語」就是自家方言。50歲以下遘30歲以上倛答案𣍐蜀樣，有倛講是普通話，有倛講是自家方言。30歲以下倛，就認為「母語」是普通話。
消息來源 edit
- International Mother Language Day 21 February 2018 Concept Note (PDF). 聯合國教科文組織.
- 国际母语日来谝谝咱山西话. 山西晚報. 2017-02-21.