Wn/cdo/國民黨前主席洪秀柱敆雲南大學演講

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

【2018年6月12號訊】

今旦（12號）下晝四點半，中國國民黨前主席洪秀柱遘雲南大學呈貢校區外國語學院報告廳做演講。演講主題是「連接两岸青年、共創融合願望」。

根據現場聽眾雨瀟（化名）其講法，洪秀柱趁《馬關條約》開始，講大陸共臺灣其關係。復講按臺灣民調，希望統一其儂罔變罔価，卜愛去中國大陸發展其後生囝也敆𡅏變価。兩岸儂是蜀厝儂，著敆蜀堆實現「中國夢」，「中華民族偉大復興」𣍐使少臺灣。

雨瀟講，茲蜀回演講，呈貢校區裏勢每蜀萆學院僅有20隻儂會遘報告廳坐𡅏聽。有其儂無位，就徛後兜，來聽其儂罔變罔価，一直徛遘門外兜。

今旦，洪秀柱固參加了第七屆「雲臺會」開幕式。

消息來源 edit

原創報導
這報導有維基記者其第一手新聞。可以看討論頁了解詳情。