Wn/cdo/單霽翔退老 接落來王旭東管故宮

【2019年4月9號訊】

單霽翔其相片（資料圖）

昨暝（4月8號），故宮博物院院長單霽翔退老，敦煌研究院院長王旭東接伊其班。前蜀月日（3月），故宮其黨委書記也換了蜀隻，號都海江。

單霽翔做院長做了7年。2012年，伊寢寢做院長，遐辰候故宮㑚開放十分三其區域。186萬幾件文物，99%都覭着庫房。來客佻其儂客雖然価得很，㑚是講大多數都是沿著中軸線覷。遘2019年伊退老，故宮開放面積達遘80%以懸，8%其文物會同時展出。宮裏排了野価椅囝共𣗬凳，萬幾隻遊客會使同時休息。

消息來源

• 单霁翔退休 王旭东接掌故宫博物院. 新京报 (新華網). 2019-04-09.