【2018年10月7號訊】
今旦（10月7號），中國首都博物館「都市·生活——18世紀其東京與北京」展覽閉幕了。
茲蜀回展覽都領有三萆章節。頭蜀章是「城市營造」，展示18世紀北京共東京其建設共發展。
-
《便攜式江戶城地圖》 -
《江戶城內城繪圖》
第二章「城市生活」，比較北京、東京兩其其居住、服飾、商業、節日、育兒、教育、娛樂。
-
青色納紗雲鶴紋方補單掛 -
嚽是清朝文官正裝其補 -
中國其首都博物館收藏了茲蜀件補
第三章「城市藝蘊」，就是18世紀東京其漆藝、瓷器、捲軸、屏風、版畫，等等。
-
浮世繪《婦人一代鑑》 -
富士山其浮世繪 -
茲蜀張畫描繪雪山裏勢其木厝 -
鯉魚旗 -
日本其版畫 -
書裏勢其版畫 -
日本儂其衣裳 -
頌日本衣裳其儂囝
茲蜀芘展覽由日本東京都江戶東京博物館共中國首都博物館兩其策展其儂敆蜀堆策劃。2017年，展覽其頭蜀站敆江戶東京博物館。首都博物館其展覽趁今年8月14號開始，遘今旦差不多做了2個月日。不過雖然講展覽分去兩回做，但是主題蜀樣。
開幕許蜀日，北京首都博物館、東京都江戶東京博物館、首爾歷史博物館、沈陽故宮博物院固敆北京開去2018中日韓博物館國際學術研討會。
消息來源
edit- 首都博物馆. 2018中日韩博物馆国际学术研讨会暨"都市•生活—18世纪的东京与北京"展览开幕. 微信. 2018-08-18 [2018-09-10] （中文（简体））.