【2018年10月3號福州訊】
今旦是中國國慶節七工假期其第三工，福州東街口也有做野価活動。
東百中心A館外廣場，「文創市集」有賣臺灣原版書，也可以體驗臺灣原住民自家其食其乇。固有飾品、皮具、插畫、文具、碗瓢、編織品、木製品會使買，有臺灣啤酒、奶酪飯糰會使食。裏勢有其乇都是之前敆網絡懸頂有仂囝名氣其。A館8層樓中庭有臺灣風光攝影展。 C館9月30號乍乍開業，墿邊一層樓其「奈雪其茶」奶茶店共「Champion」衣裳店，隊伍都排野長。裏勢疊水廣場「好感舞臺」有臺灣儂共福州儂演唱，這三工裏勢每蜀工唱歌都超過三點半鐘。
-
東百中心C館其樣式。C館9月30號開業 -
C館一層樓奶茶店前頭，隊排野長 -
C館疊水廣場
馬墿懸頂也有駃閃活動。蜀堆儂含不蜀時聚集起來跳街舞，讓大家忍𣍐得去驚呼，反應駃其馬上掏出手機䀹相。
前首講其幾芘文藝活動臺中，臺灣風光攝影展會一直做遘10號。其他今旦就結束去了。
消息來源
edit- WEMAKER唯美客. 这个国庆，我看你是走不出东街口了. 微信. 2018-09-30 [2018-10-03] （中文（简体））.