【2018年11月18號訊】
《馬祖日報》消息，《馬祖平話》福州音四聲字典出版。
《馬祖平話》福州音四聲字典新書發表茶會11月23號下晝2點敆國立馬祖高級中學教師研習中心舉辦，由馬祖文教協會理事長陳儀宇、育達科技大學應用英語系助理教授鄭秋桂兩隻作者共同主持。陳儀宇講，伊見覺母語現狀野危險，野価後生囝𣍐仈講母語，故此寫了只蜀本書，希望母語會使傳承落去。伊特神意共鄭秋桂合作，使中國共西方其韻學原理做基準，固使數位軟體設計創作，每蜀字一定詳細註解，固有收錄稠使其詞條。
只蜀本書，語句單字繁、簡體都有，固加上注音符號共漢語拼音，共總收錄2700芘單字共5000芘以上其詞條。伊儂固請平話專家配音，附帶DVD光碟片，同時上載遘馬祖之聲平臺。
消息來源
edit- 吳嘉榮. 傳承母語 《馬祖平話》福州音四聲字典正式問世. 馬祖日報. 2018-11-24 [2018-11-28] （中文（简体））.