Wn/cdo/《福州語音字典》作者涂禎樑去世

【2019年3月25號訊】

《福州語音字典》作者涂禎樑敆2019年3月20號暝晡6點40分因病去世，享年79歲。厝裡儂已經處理好後事，並且感謝所有關心伊其朋友。

涂禎樑先生繼承孃嬭其遺願，花七十幾年其時間，寫《福州語音字典》。2006年，伊查出晚期肺癌，但是也無停下。2012年，《福州語音字典》出版了。

昨年凊天，閩東維基其兩隻志願者仈曾去覷病。涂先生將《字典》送乞維基志願者，固鼓勵後學，講：「有汝各儂總款其後生囝，福州話固會使介繼續四十年。」

消息來源 edit

原創報導
這報導有維基記者其第一手新聞。可以看討論頁了解詳情。