【2019年8月7號訊】
據《朝日新聞》報導，昨暝（6號），京都府立東宇治高中其管弦樂隊，掏下京都府管弦樂比賽其頭蜀名。
京都動畫做其動畫片《吹響悠風號》，正是掏者學校做原型。動畫片虛構了蜀隻北宇治高中，講者學校其管弦樂隊努力訓練、克服困難，遘尾參加大賽贏了。
《朝日新聞》講，嘻前後京都動畫其儂，稠稠去東宇治高中取景，故徛邊兜覷樂隊將將練習。下首伊儂去參加比賽，做動畫其齊去行，故共隊員攀講。動畫播出之後，野価學生因為者動畫加裏者樂隊。
前蜀月日，京都動畫其第一工作室乞儂放火，死野価儂。樂隊其學生仈傳了，盡去野傷心。指導先生講：「努力做自家有能崖做其事計吧。」伊各儂帶𡅏對京都動畫其情思，參加了京都府第56屆吹奏樂比賽。
消息來源
edit- 京アニへ思い響け！「ユーフォニアム」モデルの高校金賞. 朝日新聞. 2019-08-07 （Japanese）.