2018 n. 8 ng. 12 h. séng
Bô gáu 8 nguŏk, siŏh-nièng siŏh-huòi gì Ĭng-siĕng-cô̤ (英仙座) lìu-sĭng-ṳ̄ gĭk-duâi-dĭk cék-ciŏng găk gūi diēng-cṳ̆ng cĭ-hâiu găk iâ-kŭng siông-iēng. Gĭng-dáng (12 hô̤), mìng-dáng 2 nĭk, ciáng-ciáng-hō̤ sê nùng-lĭk nguŏk-chŭ, mò̤ nguŏk sê guăng-cháik liù-sĭng-ṳ̄ dék hō̤ gì dèu-giông. Tiĕng-ké cìng-lōng gì hâ-buáng-iâ, găk mò̤ guŏng-ŭ-niēng gì gău-nguôi, dŭ kō̤-ī káng-giéng sĭng-buăng-chió. Dáng-sê gĭng-mìng 2 nĭk Dṳ̆ng-guók Dâi-lṳ̆k duâi-buô-hông dê-kṳ̆ hùng bī-gáu gâiu, mò̤ bâing-huák káng-gáu.
Gĭng-dáng tiĕng-guŏng-cā, ô tiĕng-ùng ái-hō̤-ciā găk Hók-gióng Hà-puō Lṳ̀-hiĕk ché̤ṳ diŏh liù-sĭng. Lài-cê̤ṳ é-uâng guŏng-nièng nguôi gì liù-sĭng hĕk guó iâ-kŭng, iā sâ̤ nè̤ng ngiăk-kī tàu, hṳ̄-giâ mī-hō̤ nguông-uông.