Wn/bjn/Proses Akuisisi 51% Saham Freeport Dimulai

< Wn‎ | bjnWn > bjn > Proses Akuisisi 51% Saham Freeport Dimulai

Jakarta - Pamarintah melalui Kamantarian Keuangan kamarian ngini (12/7/2018) manggalar acara panandatanganan Head of Agreement (HoA) lawan PT Freeport Indonesia (PTFI) dalam rangka pangambilalihan saham. Acara panandatanganan ngini manjadi tanda bahwa sudah tacapai proses pangambilalihan saham Freeport Indonesia sampai 51%. Panandatanganan digawi ulih Direktur Utama Inalum Budi Gunadi Sadikin wan CEO Freeport Mcmoran Ricard Adkerson. "Lawan ditandatanganinya HoA nang hanyar haja disaksiakan maka sudah dicapai proses divestasi, sebagai mana tandatangan HoA nang hanyar haja digawi Inalum lawan Freeport Mcmoran," ujar Mantari Keuangan Sri Mulyani Indrawati di Kamantarian Keuangan, Jakarta Pusat, Kamis (12/7/2018). Inya baharap ka mukanya proses HoA ngini kawa mambarikan kontribusi labih ganal gasan mensejahterakan masyarakat khususnya di Papua. "Diharapakan partnership FCX lawan Inalum wan Pemerintah maupun Pemda kawa maningkatakan kapastian dalam lingkungan operasi wan nilai tambah industri ekstraktif, sehingga kawa maningkatakan kamakmuran," ujarnya. Acara ngintu didatangi oleh Menteri Keuangan Sri Mulyani Indrawati, Menteri ESDM Ignasius Jonan, Menteri BUMN Rini Soemarno, Menteri Lingkungan Hidup dan Kehutanan Siti Nurbaya, wan Direktur Eksekutif Freeport Tony Wenas. Samantara ngintu, Jonan manyambat lawan capaian HoA dini diharapakan proses akusisi 51% kawa segera direalisasiakan. "Imbahtu masalah stabilitas investasi harus kawa tuntung, mahadangi PP (Paraturan Pamarintah). Matan Kamantarian ESDM kami pacangan mamfinalakan IUPK-OP imbah divestasi tuntas," kata Jonan.

Diambil matan detik.com lawan judul Sah, Proses Akuisisi 51% Saham Freeport Dimulai