آچیقلامادا، لیبیا لیدری‌نین سالدیریدان یارا آلما‌دان قورتولدوغو، ان کیچیک اوغلو سیف‌العرب و ۳ نوه‌سی‌نین ایسه حیاتینی ایتیردیگی بیلدیریلدی.
لیبیا حکومتی سؤزجوسو موسی ابراهیم، معمر قذافی و عایله‌سی‌نین، باشکند طرابلوسداکی ویلادا بولوندوغو سیرادا ناتو گوجلری طرفیندن راکت سالدیریسی دوزنلندیگینی دویوردو.
سالدیریدا ائوه ان آز ۳ راکت اصابت ائتدیگی، قذافی‌نین ٦ اوغلوندان ان کیچیگی سیف‌العرب ایله معمر قذافی‌نین ۳ نوه‌سی‌نین یاشامینی ایتیردیگی بلیرتیلدی.
حکومت سؤزجوسو، معمر قذافی‌نین و ائشی‌نین اولایدان یارا آلما‌دان قورتولدوغونو آچیقلادی.
بو آرادا سالدیریدان ساعاتلار سونرا، ناتو‌دان سالدیرییا دایر بیر آچیقلاما گلدی.
ناتو سؤزجوسو، طرابلوسدا باب‌العزیزیه بؤلگه‌سینده بیر ساواشال کونترول مرکزی‌نین وورولدوغونو دوغرولادی.
قذافی عایله‌سیندن اؤلوم خبرلری‌نین فرقینده اولدوقلارینی سؤیله‌ین سؤزجو، خبری دوغرولایا بیلمه‌دیکلرینی، آنجاق هر هانسی بیر سیویل اؤلوموندن دولایی اوزگون اولدوقلارینی قید ائتدی.
سالدیری خبری مخالیفلرین قرارگاهی اولان بن غازی‌یه ده چاتدی.
بن غازیده خالقین سالدیرینی سئوینج گؤستریلریله قارشیلادیغی بیلدیریلیر.
مخالیفلردن بعضیلری ایسه قذافی عایله‌سیندن اؤلنلرین اولدوغو خبرلری‌نین گرچک اولمایابیله‌جگینی و سمپاتی اویاندیرماق اوچون اورتیلدیگینی ساوونور.
اؤته یاندان، اینگیلتره باشباخانی کامرون قذافی‌نین اوغلونون هاوا سالدیریسیندا اؤلدویو خبرلرینی یالانلادی.