20 fevral 2012, Bazar ertəsi Azərbaycanın müdafiə naziri Səfər Əbiyevin komandanlığı ilə cəbhə zonasında Azərbaycan ordusunun genişmiqyaslı hərbi təlimləri başlayıb. Müdafiə Nazirliyinin məlumatına görə, təlimlərə quru qoşunları və Hərbi Hava Qüvvələrinin şəxsi heyəti cəlb olunub. Təlimlər bu həftənin sonunadək davam edəcək. Təlimlər zamanı son illər ordunun əldə etdiyi müasir silah və texnikadan istifadə olunacaq.
- 17 February 2025: Wn/az/“Laçın Şəhəri Günü” münasibətilə möhtəşəm atəşfəşanlıq olub
- 17 February 2025: Wn/az/Ermənistan silahlı qüvvələrinə məxsus kvadrokopter məhv edilib
- 17 February 2025: Wn/az/İlham Əliyev: "Sülh müqaviləsinin hazırlanması prosesinə ABŞ-ın töhfə verə biləcəyi qənaətindəyik"
- 17 February 2025: Wn/az/Azərbaycan ÜST-dən meymunçiçəyi test dəstlərini təhvil alıb
- 17 February 2025: Wn/az/General-mayor Nizami Məmmədov həbs olundu
Xatırladaq ki, Ermənistan-Azərbaycan münaqişəsi ətrafında sülh danışıqları artıq 18 ildən çoxdur davam edir. Danışıqlar ATƏT-in Minsk Qrupunun Amerika, Fransa və Rusiyanın həmsədrliyi institutunun vasitəçiliyi ilə keçirilir. Son illər tərəflər arasında Rusiya prezidentinin təşəbbüsü ilə də ondan çox görüş keçirilib. BMT TŞ-nin Azərbaycanın işğal edilmiş ərazilərinin qeyd-şərtsiz azad edilməsi ilə bağlı 4 qətnaməsi olmasına, Minsk Qrupunun həmsədrlik institutunun vasitəçilik missiyasına və Rusiyanın təşəbbüslərinə baxmayaraq danışıqlarda irəliləyiş baş vermir.
