零番
edit- 雞糊（又叫做推倒糊/屁糊/無番糊）：只係由四個搭子同一對將組成，而無任何以下形式組合嘅牌型。
一番
edit- 自摸：食糊牌由自己摸返嚟，即係摸返嚟張牌唔可以觸及暗牌、落海、低過枱面、觸落牆牌、觸及海內牌、帶牌摸牌。
- 三元牌（又叫做箭刻）：拎到任何一副中、發、白嘅刻子。
- 無花/正花：一隻花牌都無，或者拎到同門風和圈風相符嘅花牌。（例如東位1，南位2，西位3，北位4）
- 無字：一隻番子都無。
- 單吊：叫糊（聽牌）時只係叫一飛。
- 老少副：拎到同花色「一二三」或者「七八九」順子，或者「一一一」、「九九九」刻子
- 缺一門：成副牌得兩花種色，例如得筒、萬，萬、索或者筒、索，而且冇字牌
- 門清：全部牌都係自己摸，無上、碰，最後一隻牌係人哋出銃
- 彩龍（又叫做三色通貫/花龍）：拎到三種花色「一二三」、「四五六」同「七八九」順子
- 海底撈月(五番)（又叫做妙手回春）：海底最後一張食糊（自摸）
- 河底撈魚（又叫做一炮而紅）：海底最後一張食糊（出銃）
- 搶槓(五番)：人哋槓張牌啱啱自己可以碰咗之後食到糊，不過剩係得十三幺先可以搶暗槓。
- 兩槓：槓出（明槓或暗槓）兩張唔同嘅牌
- 清四碰[對對糊(五番)]：碰出四副刻子，明槓都計
- 四歸一(三番)：四張相同嘅牌分成一副順子同一副刻子
- 半求人：全部牌都係上或者碰，而最後自摸食糊
- 和絕張(五番)：同牌池、桌面已亮明嘅3張牌所剩嘅第4張牌（搶槓糊唔算和絕張）
- 將眼：以二、五同八做眼。（筒、萬、索都得）
- 兩色兩順（又叫做半杯口）：有兩副相同嘅順子，比如234萬+234筒，要自己摸返嚟
- 兩相逢（又叫做喜相逢）：同兩色兩順一樣，不過唔同嘅係順子可以上
- 連六（又叫做半龍）：一種花色6張相連嘅序數牌
- 和生張：同牌池、桌面已經冇亮明嘅第1張牌（搶槓糊唔算和絕張）
- 一杯口（又叫做一般高）：攞到兩副相同嘅順子（門清之後先計番）。
兩番
edit- 一台花：集齊同一系列嘅花牌（春夏秋冬/梅蘭菊竹）[1]，唔計正花。
三番
edit- 門風刻：拎到自己所屬門風嘅刻子。
- 圈風刻：拎到圈風嘅刻子。
- 短幺（又叫做斷幺）：成副牌都無一、九同字牌（一、九同字牌叫「幺」）
- 平胡（又叫做全順/順順利利/大雞胡）：全部牌都係順子，而將眼唔係字牌
- 全求人：全部牌都係上或者碰，而最後出銃食糊
- 門清自摸（又叫做門清一摸三/不求人）：糊牌前無上、碰、明槓，可以暗槓，而最後自模食糊
- 對對糊（又叫做碰碰胡）：全部係刻子，無順子
- 一條龍(7番)（又叫做一氣通貫）：拎齊一至九同一花色嘅牌
- 混一色(五番)（又叫做湊一色/半一色）：成副牌都係由字牌同另外單一花色（筒、索或萬）組成
- 三相逢(五番，7番)（又叫做三色同順）：拎到三副同數但不同花嘅順子
- 五門齊：成副牌由筒、條、萬、風牌同三元牌五種花色組成
- 四歸二：四張相同嘅牌分成兩副順子同一對將
- 混帶幺（又叫做全带九）：所有順子、刻子同將都至少有一張一、九或者字牌
- 三尾（又叫做三公）：二副連續刻子加上相連數字嘅眼，或者東南西北中任意 2X3 + 2， 例如222萬+333萬+44萬 / 東東東+西西西+北北
- 槓上開花（又叫做嶺上開花）：明槓或暗槓補牌時，補牌返嚟張牌食糊
- 三料牌：三塔露出嘅牌，有吃，碰同槓，組成糊牌。
- 斷紅和：副牌冇萬子、35679筒、1579索同紅中
- 雙暗刻(五番)：兩個暗刻（暗槓）。
五番
edit- 清帶幺（又叫做純全帶九）：所有順子、刻子同將都最少有一張一、九，但係就冇字牌
- 三暗刻(7番)：有三副自己摸返嚟嘅刻子，可以碰返嚟
- 小三元(二十番)：拎齊中、發、白三種牌，其中一種係將。
- 組合龍(7番)：3種花色嘅147、258、369唔可以錯位嘅序數牌（特殊順子）
- 迷你橋（又叫做三色三步高/半連刻）：食糊時，有3種花色3副依次遞增一位數嘅刻子（槓都計）
- 三色同刻（又叫做三相逢/三結義）：萬、筒、索三種同數牌都成刻子，稱為三色同刻。
- 四歸三：四組相同嘅排分別落到兩組順子+一眼
- 三色連刻（又叫做三色三節高/半連刻）：和牌時，有3種花色3副依次遞增一位數嘅刻子（槓）
- 孔雀的飛：一索（代表孔雀）+2個任何風刻。（紅中同白板亦可以組成，但唔可以有風刻）
七番
edit- 七對(十番)（又叫做七小對）：門清拎到七個唔同嘅對子。
- 大於五：由序數牌5-9嘅順子、刻子、將牌組成嘅糊牌
- 小於五：由序數牌1-5嘅順子、刻子、將牌組成嘅糊牌
- 三元七對（又叫做三分天下）：七對裏面有中發白等對子
八番
edit十番
edit- 姊妹碰：拎到三副同數但不同花嘅刻子
- 三連刻（又叫做一色三同順/一色三節高）：和牌時有一種花色3副依次遞增一位數字嘅刻子（槓）。
- 一色三順：和牌時有一種花色3副序數相同嘅順子
- 雙飄：兩副唔同花色嘅老少
- 二杯口（又叫做雙龍抱）：拎到兩副般高（一定要門清。）
- 三槓：槓出（明槓或暗槓）三副牌
- 大三元(四十番)（又叫做鼎足三分）：拎齊中、發、白三副刻子
- 三色雙龍會：2種花色2個老少副、另一種花色5作將嘅糊牌
- 二不槓（又叫做雙鐵支）：門清時，以兩組冇開槓嘅牌做糊牌。比如22223333索
- 全大/全中/全小：由序數牌123/456/789組成嘅順子、刻子（槓）、將牌嘅糊牌。
- 全雙刻（又叫做奇數）：由2、4、6、8序數牌嘅刻子、將牌組成嘅糊牌。
- 全單刻（又叫做偶數）：由1，3，5，7，9序數牌嘅刻子、將牌組成嘅糊牌
- 頂三刻：三刻子同順子（槓）以159嘅狀態組成
- 跳三刻：三刻子同順子（槓）以135，246，357，468，579嘅狀態組成
- 筋三刻：三刻子同順子（槓）以147，258，369嘅狀態組成
- 四喜七對 （又叫做混地雙）：七對裏面有東南西北等對子
- 雙色同刻：兩幅同牌加上兩幅同刻，比如111444萬同111444筒
- 雙槓自摸（又叫做連續槓/連開花）：連續開2個槓之後食糊。開第3槓一定要係第一槓嘅補牌，否則當普通嘅槓上開花。兩槓之間要補花就唔算槓上槓。如果第一槓係明槓時當出銃，當包自摸計。
- 全么碰（又叫做天下名士）：成副牌由1、4、7或3、6、9嘅刻子組成。
- 四歸四：四組相同嘅排分別落到四組順子
- 清一色(8番)（又叫鐵騎兵）：成副牌由同一花色搭子同將組成。
- 和局十番（又叫做幺九振切）：流局嘅狀態以所有嘅捨牌為幺九牌，一定要門清
- 配牌花和：如起手配牌拎到8隻花牌，或者有7花人哋有1花，咁應該先補牌，等輪到再摸第1隻牌（手牌足14張）得先糊八仙過海或者七搶一手牌未糊唔使開，加計十番。（和七搶一可獲得十七番，八仙過海獲得三十番。）
十五番
edit- 全帶：成副牌嘅順子、刻子同將都帶有同一數字
- 三數：成副牌都係由三個數字組成（風牌同埋三元牌都當係一數）
- 混老頭(十番)（又叫做混幺九/地九牌）：全部都係一、九或字牌嘅刻子同將眼
- 一色三步高（又叫做半步橋/萬乘之國）：食糊嗰時，有一種花色三副依次遞增一位數或二位數嘅順子
- 客風三刻（又叫做萬馬奔騰）：三副風刻子（槓），但唔可以有圈風牌刻。（比如：如果圈風係東風，而介碰咗之後，客風三刻唔成立）
- 清杯口（又叫做二色同對）：雙龍抱嘅同順。比如112233萬同112233索
- 鏡同胡：兩幅順子嘅兩同色加上對子，比如123789萬同123789筒
- 一半數字：牌型中嘅奇數同偶數一樣，比如123 234 567 888 99。
- 全將碰（又叫做將帥領兵共和國）：成副牌由二、五、八嘅刻子組成，全將碰唔會同三數重複計番。
- 連六對（又叫做柳丁）：由同花色六個連續數組成嘅七對子同雙龍抱
二十番
edit- 天聽（又叫做雙立直）：閒家配牌補花後就宣佈叫糊，叫做天聽，唔計門清，如果自摸就加計不求。自摸2番。宣告天聽之後如果唔換牌或靠張就保持有效，否則解除天聽。天聽如果未眼牌，食糊之後如發現曾經過水未糊，就唔計天聽，但仍然可以當食糊。
- 小四喜（又叫做混天雙/地雙喜）：拎到東、南、西、北三副刻子同一對有番番子做將。
- 四暗刻：有四副自己摸嘅刻子。單叫情況下可以食胡，唔係就一定要自摸。
- 兩數：成副牌都係由兩個數字組成（風牌同三元牌都當係一數）
- 八仙過海（又叫做大花胡/全花牌）：拎到八張花牌，唔使理牌型立即可以食糊
- 地聽：打咗第1隻牌之後就宣佈聽牌，本身一定要係門清，唔理其他人之前有無上碰，都係屬於地聽。如果係食到地聽，就唔會計門清。不過自摸就可以加計不求。自摸兩番，宣告地聽之後如果唔換牌或者靠張都重當有效，否則就會解除地聽。地聽如果無眼牌，糊牌之後發現曾過水無糊，就唔當地聽，但糊牌仍然有效。
- 七星不靠（又叫做13魔王）：必須有7隻單張嘅東西南北中發白，加上3種花色，數位按147、258、369中嘅7張序數牌組成冇將牌嘅糊牌
- 三不槓（又叫做三鐵支）：門清時，以三組冇開槓嘅牌做糊牌。比如2222萬，4444索，6666桐同紅中對（一色四順唔算三不槓）
- 四字刻：以牌型有4張字刻，同一個唔同對子（唔係字牌）組成嘅胡牌。
- 新幹綫：一條龍+2個任何風刻。（紅中同白板亦可以組成，但唔可以有風刻）
- 雙龍搶珠（又叫做雙龜搶珠）：兩副連六萬+索子+任何一對嘅筒子
- 萬炮齊發（有叫做海底搶槓）：海底撈月兼搶槓
- 十三魔殿（又叫做七星王國）：以門清方式，由牌型47萬，258筒，36索，東南西北中發白，冇對子等食胡
- 滿分花槓：三槓之中其中一個係暗杠，明杠，而第三或四杠係槓上開花或搶槓
三十番
edit- 人和（又叫做天聽一發）：。閒家起手天聽，唔理有無人上碰，唔理糊邊家打出嘅第一張牌都係屬於人胡。
- 段橋（又叫做一色四步高）：一種花色4副依次遞增一位數或依次遞增二位數嘅順子
- 三連槓自摸（又叫做連續槓/連開花）：連續開3個槓之後食糊。開第4槓一定要係第2槓嘅補牌，否則當普通嘅槓上開花。3槓之間要補花就唔算槓上槓。如果第2槓係明槓時當出銃，當包自摸計。四連槓嘅第3槓係明槓時都當出銃，當包自摸計。
- 風花雪月：4副刻子：一筒（月），五筒（花），任何風刻（風）同白板（雪）。
- 花鳥風月：4副刻子：一筒（月），五筒（花），任何風刻（風）同一索（鳥）。
- 鐘鼓齊鳴（又叫做槓爆/海底槓自摸）：海底撈月兼槓上開花。
- 萬綠一點紅（又叫做紅色森林）：綠一色嘅狀態以發財作為紅中。
- 綠一色車輪（又叫做環保車）：綠一色嘅狀態加5索。
- 13金字塔：以門清方式，由牌型1479萬，12589筒，1369索，以及一個對子等食胡
- 地聽一發：宣佈咗地聽之後，唔理人哋有無上碰，糊各家打出宣佈之後第一張牌或摸之後1張牌自摸，都當做地聽一發，唔會計地聽，門清。
- 自動車道：246筒+2個任何風刻。（紅中同白板亦可以組成，但唔可以有風刻）
- 青洞門：248筒+任何風刻同發財刻。
- 十三騎士（又叫做七星對）：以門清方式，由牌型47萬，258筒同36索做出嘅七個對子等食胡
四十番
edit- 天胡：莊家喺配牌補花後即刻食糊，就屬於天胡，不計門清一摸三，莊家天糊不理係咪靠張。莊家起手未打牌前開暗槓或連續暗槓而食糊，都當做天胡
- 地胡：閒家起手天聽摸第1張牌自摸，不理有無人上碰，或莊家槓上開花，都屬於地胡。
- 一色四順（又叫做同般高）：四張相同嘅牌分成一副「般高」同兩副順子（亦可以係兩副「般高」）。
- 十三不塔：跟天胡或地胡，第一圈有13各不同嘅牌加上對子同胡牌。天胡或地胡唔算係呢個牌型。（如果有14隻唔同牌食胡嘅話，就係13不靠/14不塔，同時加5番）
- 同般低：般低嘅牌型以般高牌組合。比如：334444555566筒同一對將
- 大四喜 （又叫做天雙喜）：完成東、南、西、北四副刻子。
- 四連刻（又叫做一色四節高）：摸到同花色四副連續數嘅刻子
- 十八羅漢（又叫做四杠）：槓出（明槓或暗槓）四張唔同嘅牌，食糊時牌數要有十八張
- 清老頭（又叫做清幺九/天九牌）：全部是一、九嘅刻子同將，無字牌
- 字一色：全部都係字牌嘅刻子同將，亦可以係七對子
- 十三幺（又叫做國士無雙）：以門清方式，拎齊十三種幺牌各一張，再加其中一張做將眼。
- 一色雙龍會：一種花色嘅兩個老少副，5為將牌
- 藍一色：全副牌都係東、南、西、北、白板或者八筒嘅搭子同將
- 綠一色（又叫做滿園春色）：全副牌都係二索、三索、四索、六索、八索或者發嘅搭子同將，清一色可計
- 紅一色（又叫做紅孔雀）：全副牌都係一索、五索、七索、九索或紅中嘅搭子同將
- 黑一色：全副有任何風牌，248筒係刻子
- 黃一色：全副牌都係任何萬子牌，567筒和紅中白板作為塔子
- 嚦咕嚦咕（又叫做車輪滾滾/竹林種瓜/家庭祝福）：由同花色七個連續數組成嘅七對子
- 百萬石（又叫做百萬雄兵）：清一色狀態嘅所有牌數加埋超過100。
- 九蓮寶燈（又叫做九子連環/至尊清龍）：門清拎到同一花色「一一一二三四五六七八九九九」牌型，加是但一隻同一花色嘅牌（一至九都得）。
參考
edit- ↑ 如果摸到一台花再加正花嘅計三番。