自然數係我哋用嚟數數嘅數，例如數蘋果或者大笨象嘅時候，我哋會用到1、2、3等等嘅自然數。自然數係冇盡頭嘅，即係話冇最大嘅自然數，因為對於任何一個自然數，我哋都可以加上1去令到佢變成另一個更加大嘅自然數。
零（0）表示冇嘢。零唔係自然數，佢細過任何一個自然數。當我哋話嗰度有零個蘋果，或者零隻大笨象，即係話嗰度冇任何嘢。
