قبر دا سݙ ہے رات مشکل کالی قبر دی کر گھن تیاری اوکھے سفر دی حضرت سیدنا عمر بن عبد العزیز سئیں رضی اللہ تعالیٰ عنہ ہک جنازے نال قبرستان تشریف گھن ڳۓ ہک قبر نال ٻہہ کے سوچیں اچ پئے ڳۓ کہیں پچھیے سئیں اتھاں خیر ہے جو کلھے ٻیٹھے وے فرماۓ نے ہوݨیں ہک قبر میکوں سݙ مار تے آکھیے اے امیر المومنین میݙے کولو اے نوھے پچھدے جو میں آپݨے وچ آوݨ آلیں نال کیا سلوک کرینی آں میں آکھیے اچھا ڈسا آدھی اے جیڑھے ویلے کوئی میݙے وچ آندے میں پیلھے اوندا کفن پڑینی آں ولا اوندے جسم کوں ٻوٹی ٻوٹی کر کے کھا وینی آں اے نہ پچھسو میں اوندے جوڑیں نال کیا کرینی آں میں آکھیے ضرور ڈسا آدھی اے اوندے ہتھیں کوں مرچیں کولوں گوݙیں کوں پنیں کولوں تے اوندیں پنیں کوں پیریں کولو انج کر ݙینی آں اے آکھݨ توں بعد عمر بن عبد العزیز سئیں ݙسکیاں گھن گھن کے رووݨ پۓ ڳۓ کجھ دیر بعد آکھݨ لڳے اے لوکو جیڑھا ایں دنیا اچ امیر اے او اڳلے جہان فقیر اے جیڑھا اتھاں کڑیل جوان اے او اتھاں ٻڈھڑا ہوسی کتھاں ڳئن رمضان دے روزے رکھݨ آلے کتھاں ڳئن کعبے دا حج کرݨ آلے اتے کنتے ڳئن قرآن دی تلاوت کرݨ آلے مٹی انہیں دے جسمیں دا کیا حال کر ݙتے قبر دے کیڑیں انہیں دے گوشت دا کیا حال کر ݙتے انھیں دیں ہݙیں تے جوڑیں نال کیا تھئے اللہ دی قسم اے دنیا اچ ململ تے سمھدے ہن ہݨ گھر آلیں تے وطن وسیب کوں چھوڑ کے خوشیں توں بعد ݙکھیں اچ ہن انہیں دیں گھر آلیں ٻۓ نکاح کر کے گھر وسا گدھن انہیں دی اولاد در در دے دھکیں دھوڑیں اچ اے انہیں دے رشتے داریں جائیداداں ونڈ چنڈ گدھین میکوں قسم اے سوہݨے اللہ دی کجھ لوک قبر اچ چساں چئی پئن تے کجھ شودے عذاب اچ ہن اے اللہ دے بندے توں کݙاہیں سکے بھرا تے کݙاہیں پتر دیاں اکھیں نٹیندیاں ݙیدھا پئیں تے کݙاہیں پیو دی میت کوں مونڈھا ݙیندا پئیں تے کہیں کوں کالی قبر اچ دفنیندا پئیں یاد رکھ اے سارا کجھ کل تیݙے نال وی تھیوݨ آلا اے اے سبھ کجھ آکھݨ دے بعد عمر بن عبد العزیز سئیں دھاڑیں مار کے رووݨ پئے ڳۓ تے ہک ہفتے دے اندروں اللہ کوں پیارے تھی ڳۓ میݙے وسیب دے پیارے لوکو ذرا غور کرو قبر کتنی اوکھی اے حضرت عثمان غنی رضی اللہ تعالیٰ عنہ جݙاں قبرستان ونڄن ہا قبر تے بہہ کے اتنی روندے ہن جو ݙاڑھی مبارک ہنجواں نال تر تھی ویندی ہئی لوکیں آکھیا سئیں تساں جنت دوزخ دے تذکرے تے اتنا نوھے روندے جتنا قبر تے آ کے روندے وے آپ نے فرمائے وے لوکو قبر اڳلے جہان دی پیلھی منزل اے اگر بندہ اتھوں آزاد تھی ڳیا تے اڳتے آسانیاں ای آسانیاں ہن جیکر اتھائیں پھس ڳیا تے اوں نیں بچݨا میݙے وسیب دے پیارے بھراؤ ذرا غور کرو حضرت عثمان غنی کوں سوہݨے آقا صلی اللہ علیہ وآلہ وسلم جیندیں جاڳدیں جنت دی خوشخبری ݙے ݙتی ہئی آپ ولا وی قبر کولوں اتنی ݙردے ہن تے اساݙا کیا بݨسی حالی ٹائیم ہے پیا اساکوں چاہیدا اے کہ قبر دی تیاری کروں حضرت فقیہ ابو الیث سمر قندی رحمۃ اللہ علیہ فرمیندن قبر روزانہ پنج واری بندے کوں سݙ مار کے آدھی ہے اے بندے توں میݙے اتے (اکڑیچ کے) ٹردیں لیکن میݙے اندر تیݙا ٹھکاݨہ ہے اے بندے توں میݙے اتے ونکو ونک دے کھانوݨے کھانیں لیکن میݙے اندر تیکوں کیڑے کھاسن میݙے اتے توں کھلدیں ٻہوں جلدی میݙے اندر آ کے روسیں میݙے اتے خوشیاں منینیں جلدی میݙے اندر آکے مونجھا تھیسیں اے بندے میݙے اتے گناہ کرینیں یاد رکھ میݙے اندر ایندے کھٹیے عذاب دی صورت اچ چیسیں میݙے وسیب دے پیارے بھراوو اساکوں چاہیدا ہے اساں قبر دے ایں سݙ کوں سݨ گھنوں تے ایں قبر کوں ٹھارݨ واسطے کوشش اچ لڳ ونڄوں آخر تے دعا کریساں اللہ میݙے وسیب دے ٻچے ٻچے کوں دی تیاری دی توفیق ݙیوے تے اساں ساریں کوں اپݨی رحمت نال قبر دے مراحل اچ آسانی ݙیوے جیڑھے ساݙے چھوݙے وݙے سنڳ ٹر ڳئن انہیں ساریں دی قبر کوں جنت دا باغ بݨاوے آمین ثم آمین ہر کہیں جھوک لݙا ونڄݨے غافل بھلا نا موت کوں اے دنیاں دی شاہی چند ݙینہ دی اے كُلُّ نَفْسٍ ذَآىٕقَةُ الْمَوْتِؕ- ترجمہ۔ہر جان موت دا سواد چکھݨ آلی ہے یعنی انسان ہووے فرشتہ ہووے بھانویں جن اللہ دے علاوہ ہر کہیں موت دا ذائقہ چکھݨے اتے جھوک فناہ دی اے ہر کہیں جھوک لݙا ونڄݨے حضرت عمر فاروق سئیں (رضی اللہ تعالیٰ عنہ) حضرت کعب احبار سئیں (رضی اللہ تعالیٰ عنہ) کوں فرمایا اے کعب ساکوں موت دے بارے ݙسا حضرت کعب احبار سئیں عرض کیتی سئیں موت ہک اے جھئیں کنڈییں آلی ڈھینگری دی کار اے کہ جیکوں بندے دے ڈڈھ اچ وڑاݙتا ونڄے اوندا ہر ہر کنڈا ہک ہک رڳ اچ پویچ ونڄے ولا ہک طاقتور بندا اوکوں فل زور لا چھکے اوں ڈھینگری نال پھتھی ہوئی ہر چیز ویہر ویل تھی ونڄے حضرت شدادا بن اوس سئیں (رضی اللہ تعالیٰ عنہ) فرمیندن مومن تے دنیا تے آخرت اچ موت توں ودھ کے کہیں شۓ دا ݙر کینی اے ݙر آرے اچ چریچݨ نقراض(قینچی) نال کٹیچݨ تے کنی اچ ابلݨ کولو وی وی ڈھیر اے اگر کوئی قبر اچو نکل کے سکرات دیاں تنگیاں ڈساوے چا تے ولا انہیں دنیا آلیں نا زندگی کولو فائدہ چاوݨے نا نیندر کولو سکون آسی جیڑھے ویلے حضرت عمرو بن عاص سئیں (رضی اللہ تعالیٰ عنہ) دی وفات دا ٹائیم نیڑے آیا تے انہیں دے پتر عرض کیتی اباجی تساں آدھے ہوندے ہاوے جو سکرات دے ویلے میکوں کوئی سیاݨا بندہ مل ونڄے میں اوندے کولو موت دے بارے پچھاں اباجی تہاݙے کولو وݙا سیاݨا تے کوئی کینی ہݨ تساں میکوں ݙسو ہاں جو کیویں ہے موت آپ رضی اللہ تعالیٰ عنہ آکھیے اوئے پترا ایویں لڳدے جیویں میݙے ݙوہیں پاسے ہک تخت تے ہن تے میں سوئی دے دک جیݙے سوراخ اچوں ساہ گھندا پیاں تے ہک کنڈییں آلی لکڑ میݙے پیریں کولو سر دو چھکی ویندی پئی اے میݙے پیارے بھراؤ تساں پڑھیے جو موت کتنی اوکھی اے حالی ساݙے کولو ٹائیم ہے پیا حالی توبہ دا دروازہ کھلا اے اساں اللہ آلے پاسے آ ونڄوں متاں ساݙی قبر ٹھر پووے شالا ساݙییں موئیں جیندییں دی خیر ہووے