Wb/se/Gáiddusoahpahusa vejolašvuohta čájehit/Gáiddusoahpahusa vuosttašlávkkit

1. Gáiddusoahpahus eaktuda unnimustá, ahte
   1.  ohppiin leat reaiddut bargat bargobihtáid ja doallat oktavuođa oahpaheddjiin
   2. oahppit ožžot dieđu bargobihtáin ja daid čađaheami áigedávvalis
   3. ohppiin lea vuohki muitalit oahpaheaddjái, ahte bargobihtát leat bargojuvvon, dahje vuohki máhcahit bargguid.
   4. oahppit ožžot bagadallama ja máhcahaga oahpaheaddjis bargamisttiset.
2. Čielggat maid reaidduid, prográmmaid ja fierbmebálvalusaid oahppolágádusas juo geavahit. Geavat vuosttaš sajis daid. Dárbbu mielde sáhtát soahpat ohppiiguin dahje sin fuolaheddjiiguin buhttejeaddji reaidduin. Geavat vuosttaš sajis daid reaidduid, maid oahppit juo geavahit – maiddái riŋgen ja teakstadiehtu gullet daidda.
3. Váldde gáiddusoahpahusas vuhtii earenoamážit daid ohppiid, geat jáhkkimis  dárbbašit lassedoarjaga dahje movttiidahttima. Gáiddusoahpahus dahká vejolažžan doarjut uhca joavkkuid gáiddusoahpahusreaidduiguin. Nuppe dáfus ng. buorit oahppit birgejit gáiddusoahpahusas dábálaččat iehčanassii, muhto dárbbašit oahppodásiset mielde bargobihtáid, vai gáiddusoahpahus lea sidjiidege muttágit hástaleaddji. Muital čielgasit, olugo bargobihtáide galggašii geavahit áiggi ja váldde vuhtii sierranahttima maiddái dás.
4. Sádde materiálaid ja bargobihtáid studerejuvvot iehčanassii. Várre oktasaš áiggi (omd. oahppodiimmu lohkanortnega mielde) jearaldagaide ja veardásašveahki ja oahpaheaddji ja bagadalli/veahkeheaddji rávvagiid addimii. Sáhtát riŋget videoin olles luohkkái dahje riŋget guovttágaskasaččat doarjun dihte ohppiid. Oktasaš čoahkkaneapmi video bokte omd. beaivvi álggus dahje diimmu álggus, veahkeha ohppiid beassat ášši ollái ja álgui. Dan maŋŋá sáhtát gozihit video guoras nu guhká, go oahppit barget bargobihtáid.
5. Oktasaš barganatmosfeara duddjon gáiddusin lea hástaleaddji, muhto dan sáhttá čoavdit iešguđet metodaiguin ja reaidduiguin. Geavahišgoađe muhtin oktasaš dieđihankanála omd. WhatsApp-joavkku.