Huk wamrashi tuma-tuma naanipa uushan ashiq aywañaq. Chimpanchawshi sara-sara rurinchaw huk shipash chiina-chiina shumaq qutsukuykaañaq. Chaynashi wamraqa qayakuñaq: “Mamáy, icha uushata rikarqunki”, nishpa. Warminashi yaskirin: “¡Kananqa manchakashqa tapukamanki, aw! Qanyanqa chiina-chiina mana rikaamaytapis munashpa waqratyarqayki. Yachaywasichawpis rimapaamankitsu, tutay Quñuqquchachaw yanasaykikunawan asipaamarqayki. Manami allitsu chay nikachar-nikachar puriy. Imayllapis tarinakushunmi. Chayraykur kananpita alli warmi kakunaykipaq willarishqayki. Uushaykiqa taqay tayta Ushtapa qura-qura chakran kuchunchawmi kaykashqa, shillku-shillku rurinchaw mikuykaayan. Chayllapa ayway, sasa-sasa naanipa lluqaykur
