Chukllaqa puñuna ichik wasimi. Chaytaqa uqshapitawan kashpi qirukunawanmi ruranchik.
Chukllata ruranapaqqa, puntata achka uqshatami rutunchik. Niykur llanu qirukunatami pallanchik. Chaypita, qirukunata watanapaqqa, llanu waskatami kawpunchik.
Chukllataqa ishkay niraqtami rurana. Huanucochaw, qirukunallawan, uqshallawanmi rurayan, wakman kayman witichinata.
Pascochawqa, hukniraqtami chukllata ruranchik. Kay suyuqchawqa champawan pirqayan punkun qipanman, mana witichinata. Chaypita champata pirqarirmi, chaqllanchik hananta uqshawan qatanayaananpaq.
Chukllataqa ruranchik uywakunata taapanapaqmi. Chaymi ruranchik uywakunapa qinchan wakllanchaw, allqukuna uywakunata qawar puñuyaananpaqpis.
